探射燈：過量化肥影響桃花質素

澆溪水 內地桃花易受污

「揀桃花就各花入各眼，不過一般會睇吓佢多唔多冧（花蕾），朵花夠厚就梗係靚啲啦。」財利農場的馮先生指，桃花的審美十分主觀，但普遍會以花朵呈桃紅色、花瓣及花蕾多的桃花較受顧客歡迎。

馮表示內地桃花的價格一般會比本地桃花便宜許多，惟內地花農會以河水、溪水灌溉，可能受到污染，影響桃花生長。馮直言，有內地花農會為桃花施加大量化肥及生長激素，桃花質素因此十分參差。

「有人（客人）問我有無紫色嘅桃花，棵嘢枯咗，啲花先會變咗紫色！」馮直指桃花變紫是因為過度施加化學肥料，桃花枯死不再吸水的後果，提醒市民小心選擇。