慈善基金：秀菊求藥費 續戰癌魔

「我又冇做過啲咩壞事，點解會揀我？」四十四歲的叶秀菊不煙不酒，卻於一二年證實患有肺癌，雖已即時接受化療，惟效用欠佳，醫生更一度指僅餘半年壽命，令秀菊萬念俱灰。在絕望之際，醫生建議秀菊使用自費標靶藥物，終再現生機。在東方日報慈善基金協助下，秀菊順利開展療程，服用標靶藥物半年已有明顯好轉，「之前夜晚成日咳到出血，每晚只係瞓得一個鐘，依家就咳少咗八成！」去年十一月覆診時發現腫瘤已縮小一半，癌症指數亦下跌超過一半。

自費標靶藥 月需5.4萬元

雖然標靶藥物會帶來腸胃不適及手腳抽筋等副作用，但秀菊坦言身體已漸漸適應，加上病況好轉，令灰色的人生重現色彩，現時更能協助丈夫做家務，「食咗藥一段時間，個人開始有番啲力氣，之前一做家務就會氣喘、咳同埋見暈，做少少家務都好吃力，依家就冇問題！」

「醫生一講隻藥每個月要咁多錢，真係覺得好絕望，全靠咁多位善長幫忙，我嘅人生先有番啲希望！」現時需領取綜援維生的秀菊感謝善長們「救命之恩」，令其重見人生曙光，並指身體情況一旦許可，便會當義工服務社會，並教導兒子要貢獻社會。踏入新一年，秀菊希望能盡快康復，「經歷過疾病我先體驗到如果冇咗健康，就算大富大貴都冇用，所以希望各位善長都能夠健健康康！」

對抗癌魔之路漫長，秀菊獲醫生建議持續使用自費藥物「Crizotinib（克裏唑蒂尼）ALK抑制劑」，每月藥費約五萬四千元，有賴善長踴躍捐輸，才能令秀菊繼續用藥，早日脫離病患。

捐款編號：12513

記者：詹海萍