成功需苦幹，仲要喺出發之前做足準備工夫，咁先能夠增加勝算，所以好多朋友喺落注之前都要刨一刨波經馬經，了解賽事相關資料。而喺日本水着界發展亦係一樣，為免出閘脫腳，女優都會做足功課，質素超班嘅糸山千惠就係其中一位喇。
所謂適者生存，此道理喺大自然適用之外，嚟到現今社會一樣不能改變，特別喺日本水着界呢個新人不斷湧現嘅圈子。咁多年來水着界出現過好多優質新人，佢哋出道初期的確憑充滿新鮮感嘅面孔及鮮嫩胴體，爭取不少水着迷注目。然而，喺出道後嘅關鍵性一年當中卻因為支持者不足，加上表現欠佳而好快被人遺忘，之後就當然遭到自然淘汰啦，呢一點糸山千惠就深諳箇中道理，故喺發展演藝事業之前進行一系列預備工作，真係好識諗。糸山千惠今年24歲，氣質甜美清新又純品，我就最鍾意阿妹佢個嘴仔喇，兩片朱唇厚而色鮮，中醫話嘴唇色澤可以當作身體健康指數，色澤鮮紅就健康度十足，唔怪得阿妹成日都表現得活力十足啦。而佢嘅身材亦令男人感覺到活力澎湃，一副37-24-34胴體健美而豐滿，胸前對G奶仲脹卜卜又軟綿綿，睇見一定精神百倍，起碼有一個部位充滿活力。
糸山千惠喺上年出道，其甜美面孔贏得好多水着迷垂青，而一副姣好身段更獲水着界稱為完美胴體，令佢首隻推出嘅寫真DVD《Love Letter》銷售十分理想，好快就有傳媒搵佢做訪問。千惠被問到發展目標，佢就答希望可以成為一個出色嘅演員，仲表示以知名水着偶像吉木莉莎及中村葵作為奮鬥目標。不過，糸山千惠就唔似得其他新人咁，一出道就挾住強勁氣勢勇闖多個不同範疇，又拍戲又做舞台劇，原因係佢同其事務所都認為發圍唔使咁快，做足準備逐步逐步發展先能夠穩操勝券。經事務所細心安排之下，家陣專注拍寫真，定期舉行攝影會，目的係盡量吸納支持者，到累積得咁上下人氣之後至向演藝圈強勢進攻。
年齡：24歲
身高：5呎3吋
三圍：37G-24-34
糸山千惠嘅攝影會工作非常忙碌，一得閒就會去旅行放鬆身心，大家Click上佢個博客就可以見到千惠遊山玩水嘅情況喇。
網址：http://ameblo.jp/lu3ulchie/
撰文：賢