探射燈：拎「難解」包裝求診誤醫生搶救
零食欠缺可讀標籤，有醫生擔心易令致敏病人進食後不慎「中招」，嚴重過敏者更隨時引致休克。「除咗食物成分本身外，添加劑裏面都有可能會有致敏原，隨時令病人過敏，後果可大可小！」免疫及過敏病科專科醫生鄔揚源表示，可讀的食物標籤是市民避免接觸過敏成分的第一道防線。
果仁奶蛋類可致敏
「出咗事最好拎埋食物包裝畀醫生睇係咩導致敏感，但你拎個日文、韓文包裝畀醫生都睇唔明，上網查都延誤咗病情。」鄔解釋，不少零食都含有致敏成分，例如果仁、牛奶、雞蛋等，會令病人出現不同程度的徵狀，輕則嘔吐紅腫，重則會出疹、氣管收縮甚至休克，需要進行急救處理，並尋找致敏原。鄔建議有過敏症狀、或疑有過敏症狀者，不應購買只有外文標籤的零食。