政情：八網難逃：樹根徵集「$300過情人節」噱頭

我哋喺社交網站發現樹根最近舉辦「星級情人節方案比賽」，向市民徵集以三百元同伴侶度過最甜蜜、最難忘情人節嘅方案，再由佢嘅辦事處選出最後三強，唔通樹根想向市民抄橋氹番老婆開心？

不過，樹根自言佢哋日日都係情人節，唔使搵人借橋，又話比賽只係噱頭，對比傳統嘅蛇齋餅糉，呢類型比賽容易啲同年輕人拉近距離喎！咁又係，如果樹根被太太知道佢打算用三百元慶祝情人節，真係扭甩耳仔都似，以後想飲靚湯水都唔使旨意。