政情：公民講場：李卓人腳軟 淨係識籌款

「雙學」前晚發起包圍金鐘政府總部，號召大批示威者聚集龍和道一帶，並多次衝擊警方防線，發生激烈衝突。曾被指收取秘密捐款兼「袋住先」近九個月嘅工黨立法會議員李卓人，約於尋日凌晨一時現身龍和道示威前線，期間只高叫「我要真普選」口號，結果惹來示威者反感。有示威者高呼叫李卓人「行前啲」、「衝啦」、「唔衝就返屋企」，當見李冇實際行動時，就批評「支聯會咁多年淨係識籌錢」。又好難怪嘅，李卓人成碌葛咁棟喺度，都唔知做乜，快啲去自首好過啦！