漁農界立法會議員何俊賢（高佬賢）前晚小登科，喺元朗一間酒樓大排筵席，迎娶拍拖三年嘅社工女友Elaine，一班官員及議員好友到賀。高佬賢身穿中山裝，加上戴上粗金頸鏈，睇落增添幾分江湖味。佢話喺上周六簽紙結婚，但由於未能預訂當日酒席，所以延至前晚先擺酒，笑言事後睇番呢個安排仲好，唔使由朝搞到晚咁辛苦喎，而當日接新娘前仲可以先食個魚蛋河添！問到婚後去邊到度蜜月，高佬賢透露太太想去馬爾代夫，但佢覺得有啲貴，所以未有最後決定喎。立法會議員每月薪酬近九萬元，唔係咁孤寒吓嘛？
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
