獨居孔伯求電視機解悶

孔慶祥為獨居長者,三年前膝蓋退化後,雙腳即告行動不便,無奈下辭掉工作改靠綜援金維生,「之前做樓面,一企就企咗幾十年,隻腳唔壞就假啦。」六十二歲的孔伯指接受手術後雙腿情況反而更差,兩邊膝蓋不時隱隱作痛,平日散步也成問題,「做手術裝個金屬關節入去,點知做完左腳冇事,就輪到右腳痛,依家個右腳關節仲成日格格聲。」

由於活動能力大減,孔伯平日多留在家中,電視成為唯一娛樂,但是自友人數年前送贈的電視失靈後,日子即變得枯燥無味,「冇電視就冇咩好做,之後都攞部細電話駁條天線,都叫睇到吓電視嘅,不過睇唔得耐,好多雪花好朦,對眼愈睇愈差!」孔伯希望透過東方日報慈善基金呼籲善長捐助電視機,令到生活重獲色彩。

捐款編號:12616

第一手消息請下載on.cc東網iPhone/iPad/Android/Windows Phone Apps