公民黨（大狀黨）總策劃幹事「大內總管」黃晙（Ian）涉嫌非禮青年被檢控，星期四將到東區裁判法院應訊。黨內出咗件大醜聞，難為大狀黨黨魁梁家傑仲好輕鬆，接納Ian休假申請就算，辭職與否日後先講。對比之下，三年前民主黨前總幹事陳家偉被爆涉嫌嫖妓，雖然佢事後辯稱係到尖沙咀香檳大廈與鳳姐「訪談」，但係都知衰，所以即日辭職走人。今次大狀黨畀Ian休假無異於放生佢，如果陳家偉當年加入嘅係大狀黨，咪唔使辭職咁慘囉！
