法庭：「一千萬係啲咩數呢」
前政務司司長許仕仁涉嫌行為失當，涉嫌於在職前後收受新鴻基地產高層利益案昨續審，主控官昨開始盤問第四被告新地執董陳鉅源，質疑陳就○五年支付予許仕仁的逾千萬元編故事講大話；陳對此斷然否認之餘更按捺不住爆發：「以佢哋（郭炳江、炳聯）嘅能力，一、兩個鐘六億現金呀，一千萬係啲咩數呢！」直指根本不須用可追查的支票付款。就主控官問他：「當年董建華辭職郭炳聯係咪好高興？」陳指郭炳聯當時無親口講過，但陳不諱言：「當時幾十萬人上街，佢（郭炳聯）應該同普羅巿民同樣心態。」
主控官David Perry盤問陳鉅源的其中一個重點，是○五年身為地產商的郭炳江，叫陳代為支付一千零八十萬元予即將出任政府高官的許仕仁，而政府內仍有不少事務跟新地有關，着實有太多理由令人懷疑涉及貪污，況且目前根本無任何文件可證明到該筆付款是有正當理由。但陳堅持該筆付款並無可疑之處：「最重要係睇點解要畀（錢）。」
許要求錢交關雄生處理
對於Perry直斥他：「你嘅故事完全唔可信，你響度講緊大話！」陳聞言即堅決否認，更按捺不住道：「我想講，件案審到今時今日，係用支票寫正個名嚟過數o架，我諗我哋五個人（被告）都知道係一定跟到o架……，以佢哋嘅能力，我親眼睇到o架，一、兩個鐘頭（安排）六億現金呀，呢一千萬咩嘢數呢？我講完嘞！」
他堅持當年郭炳江叫他代開支票予許仕仁，說不想讓長兄母親知道，他按指示照做，並應許仕仁要求將錢交關雄生處理。至於關如何將錢交予許，他沒有跟進，只向郭炳江匯報：「你叫我交畀阿許啲錢搞掂嘞！」之後未再提起。
有信心「酒筲箕」攞到手
對於陳鉅源說他○七年因有興趣投資關雄生的「酒筲箕」，才會給關一千二百萬元代為投資，希望最終令關讓出手上的「酒筲箕」股份。Perry直指那份合約是騙局，質疑當中竟隻字未提「酒筲箕」，以及經營該產品的公司名稱，而關亦似乎未有履行過合約中的職責。
陳強調當時說過讓關先將錢拿去周轉：「如果佢用咗我啲錢，我有把握半年至九個月內，佢要賣『酒筲箕』畀我。」
「朋友飲過話呢隻嘢得」
同時Perry亦質疑陳鉅源作為經驗投資者，簽署逾千萬元投資合約時竟輕易相信關就「酒筲箕」銷售前景的估算。陳反駁指，有問過曾飲過「酒筲箕」的朋友，他們都有好評。Perry要他說出曾給意見的朋友的名字，陳回應：「我唔想講你逼我講，其實我問過我個仔，佢同朋友去蘭桂坊飲酒時食過，佢都話『呢隻嘢得』。」
案件編號：HCCC 98/2013