探射燈：不容異見 隱身份肆意攻擊
本港網民愛化身鍵盤戰士，一言不合即出手攻擊。學者及臨床心理學學家拆解他們心態指，網上平台轉發容易、網民又可以隱藏自己身份，乘機盡情指罵，甚至發洩自己生活上的不滿。
「喺網絡世界，你唔使公開身份，人哋未必知你係邊個，網民無顧忌，就容易做一啲過火行為，包括用誇張、過分嘅字眼去批評唔鍾意嘅人。」臨床心理學學家葉妙妍指出，部分人於生活中產生的不滿情緒，亦會透過欺凌他人發洩。
過分投入 難以抽身
「你批評其他人好易，相比過往，喺網絡上用手機留言同轉發更快更易，成本好低，好多人因為咁喺網上肆意留言批評，甚至攻擊。」城市大學應用社會學系副教授陳國康指出，部分人太投入關注網絡事情，未能抽身，即使別人的事亦會評論及干預。