政情：今日你上鏡：曾鈺成見到記者暈暈哋

立法會一向都係是非之地，尋日我哋見到主席曾鈺成左眼蓋住紗布，莫非班激進泛民主派議員連主席都敢打？佢哋當然未去到呢個程度啦！其實曾主席左眼一向都有眼疾，上星期就索性做埋角膜移植手術，所以要用紗布蓋住，但當要見記者扑咪時就將紗布移除。由於佢左眼同右眼視力唔同，眼鏡度數又未調節好，以致雙眼未能平衡視力，所以感覺暈暈哋，佢笑言：「見到你都暈暈哋！」好彩小記唔係女仔啫，否則被佢嚇親。