佔領行動已經持續半個月，一班學生同集會人士晚晚在金鐘一帶搭個帳幕通宵留守，尋日清晨警方在金鐘道等佔領區展開行動，移走示威者架設的鐵欄及水馬等障礙物，留守嘅示威者在睡夢中驚醒，以為警方採取清場行動，隨即戴上眼罩及口罩等裝備，與警方對峙。不過，留守示威者起身「打仗」，但一班所謂嘅佔領搞手如佔中三子及學聯高層就影都唔見，幾乎等到散晒水先至現身，難為佔中發起人之一嘅陳健民仲死撐話有喺高位視察地面情況，唔知點視察呢？
