政情：港台又要招聘廣播處長

與一○年條款一樣

今次聘用條款同一○年一樣，同樣要具備最少十五年傳媒業及高層經驗，如果政府內部有首長級第二級（D2）公務員有興趣，都可以申請，截止日期為十月二十四日。

睇番○七年公開招聘，曾經因為更改過招聘條款，由需要大學學歷變成只要有十五年傳媒經驗，結果被人批評係為「某人」「度身訂造」。最終「某人」分別喺○七年及一○年都不獲挑選，唔知係咪怕食第三次「檸檬」，早前佢就講到明冇興趣再申請嘞。不過，如果政府真係好想佢嚟做，不妨可以加入「曾經領導反佔領中環運動」、「曾經發動反罷課熱線」呢啲聘用條件，相信佢肯定雀屏中選！