跳至主要內容​跳至主目錄​

政情:收料站:佔中期間 陳蘇局長放假

佔領中環(佔中)搞手事先張揚十.一要擺「盛宴」,呢幾日仲做晒宣傳,叫啲參加者「去飲」,依家各方都睇實事態發展。政府內部有啲部門好緊張,有啲又似乎幾淡定喎,尋日憲報公布,財經事務及庫務局局長陳家強同商務及經濟發展局局長蘇錦樑(Greg蘇)將喺十.一後放假,不約而同揀正人哋「去飲」時齊齊抖吓,莫非睇唔到佔中就當無事?

憲報披露,陳家強會在十月三日放一日假,但之前兩日係公眾假期,加加埋埋即係有三日抖。至於Greg蘇就從十月一日放到十月四日,抖多陳家強一日。佢哋一個主管財經事務,一個主管商務及旅遊,竟然齊齊喺佔中期間放假,唔通內部有晒評估,唔驚佔中影響金融市場交易?亦唔驚中環商戶及訪港旅客受影響?

不過,有人話立法會十月初復會,之後政府連串大計推出,政策局嘅工作將排山倒海而來,啲官員想放假都只係得十月頭幾日咋。

第一手消息請下載on.cc東網iPhone/iPad/Android/Windows Phone Apps

人人做記者
爆料方法 :
爆料熱線: (852) 3600 3600電 郵: news@opg.com.hk網上爆料
傳 真: (852) 3600 8800手機網站: m.on.cc
SMS: (852) 6500 6500MMS: ireport@on.cc
本網站已採納無障礙網頁設計。如閣下對此網站在使用上有任何查詢或意見,請以下列方式聯絡我們。 電郵 : enquiry@on.cc
東方日報香港人的報紙 必然首選 連續49年銷量第一