政情：今日你上鏡：18秒切雞！甄文達技驚工總
大廚刀工顯實力，香港工業總會轄下嘅香港優質標誌局（簡稱Q嘜）日前舉行親子廚神決賽，名廚甄文達（Martin）現身做評審，順便騷一身真功夫。
Martin用快、狠、準嘅刀法，只用十八秒就切好一隻全雞，工總榮譽主席孫啟烈、工總榮譽主席鍾志平、Q嘜主席丁煒章、成員吳宏斌及美女廚神Zoe Tsang都嘆為觀止。同Martin相識三十八年的孫啟烈，大讚老友刀章訓練有素，連拍薑都好吸引眼球。孫又透露，原來佢前一晚先至邀請Martin出席今次活動，Martin二話不說即改機票去撐場，認真唔話得。
