政情：今日你上鏡：「遠澄」觀禮 網民籲閃婚

社民連外務副主席吳文遠（Avery）最近家中囍事接踵而來，佢喺社交網站透露兩個弟弟喺一個月內，分別喺香港同英國結婚，身為大哥嘅佢自然要「兩脇插刀」，兩地飛做伴郎同兄弟。Avery話，兩名弟弟分別喺美國哈佛大學同埋英國牛津大學畢業，其中最細嘅弟弟就喺英國牛津結婚，佢就同女友周澄一齊過去觀禮，即時引起好多網民關注，有人仲講笑叫佢哋順便閃婚，Avery話佢哋二人關係穩定，冇乜結婚壓力，加上女友將會去英國讀書，一切等對方讀完書先算喎。