政情：公民講場：碧雲美娟 爭奪「爛肉」

香港麥當勞近日被指隱瞞用過上海福喜「過期爛肉」，搞到滿城風雨，唔少立法會議員當然要把握機會爭取曝光啦，其中立法會食物安全及環境衞生事務委員會主席黃碧雲（一舊雲）就拿拿臨安排特別會議傾呢件事，就算之後唔夠議員開會，都要同食物及衞生局召開非正式會議，誓要搶飲頭啖湯。委員麥美娟亦不讓一舊雲專美，除咗齊齊去開會外，亦協助市民向海關投訴。估唔到「過期爛肉」都咁搶手喎！