政情：公民講場：再受蹂躪「謙」污名節？

香港電視網絡之前申請免費電視牌照被否決，早前又再申請過，政府就此作公眾諮詢，而立法會資訊科技及廣播事務委員會尋日討論有關問題。議員「長毛」梁國雄話，通訊事務管理局建議過發牌，但政府唔聽，話主席何沛謙被「一而再，再而三蹂躪」，仲作比喻話：「以前婦女被人玷污咗名節，以死明志，但現代社會唔使嘅，以『走』明志就得o架喇，依家你（何沛謙）以『辭』明志得唔得先？」何沛謙一度以「假設性問題」拒絕回答，最後拖到散會就不了了之。