政情：公民講場：長毛「藏頭詩」寸爆吳亮星

社民連議員「長毛」梁國雄早前被判入獄四個禮拜，不但衝擊立法會冇佢份，連「六二二佔中公投」同七一遊行佢都冇得玩，惟有靠寫吓詩嚟解悶。尋日佢就透過前來探監嘅人民力量議員陳偉業，向大家發布佢喺獄中撰寫嘅一首「藏頭詩」，全文係「亮相逞兇剪義布、星夜闖關阻專權、仆前繼後護東北、街頭巷尾撐公投」。乜嘢叫做「藏頭詩」？就係串埋每句詩嘅第一個字就別有意思，各位讀者自己領會喇！