公路遺坑路署炮製陷阱
公路暗藏殺機，路政署竟後知後覺！有電單車駕駛者早前途經天水圍洪天路時，疑輾過地面約半米長的不明鐵片而「跣胎」失事受傷。路政署竟稱事發當日未見地面有異物，直至兩個月後接獲傷者的投訴始發現該鐵片，但是移走後又遺下深坑未有填補，疑為路面製造另一陷阱。立法會議員直斥路政署嚴重失職；法律界人士則指傷者或可就事件向當局索償。
「嗰日喺天水圍出洪天路，啱啱轉完彎收油，車速都唔過五十（公里），點知行行下架車唔知碌到啲咩跣胎，咁就炒咗車！」馬先生駕駛記錄一向良好，早前卻因一塊鐵片令他「千年道行一朝喪」。
鐵片致跣胎 司機受傷
馬憶述，當日電單車因輾過地面上的異物後跣胎失事，車輛即告損毀，手腳多處受傷需送院治理，「好彩唔算重傷，之後望真啲，原來係一塊半米長嘅鐵片嵌咗喺地下！」
馬先生於意外當日已報警備案，但擔心不明鐵片會再傷及其他駕駛者，故於康復後即再向路政署反映問題，但答覆卻令馬更為氣結，「佢哋居然話意外嗰日承辦商冇發現路面有障礙物！已經有人受傷，都仲要咁求其，由得承辦商話冇發現就算，直到我好番（兩個月後）去投訴先再去睇，路政署先見到塊鐵片，但都仲要死撐話『唔影響行車』，真係離譜！」
路政署發言人證實，接獲市民報告後確認事發現場有一細小金屬物件嵌入路面，相信由行駛中的汽車跌下，再遭尾隨車輛壓入所致，已即時移除並修復路面。不過，對於被指涉及巡查粗疏一事，發言人則未有正面回應，僅稱鐵片已嵌入路面致不易察覺。
記者於接獲路政署回應後再到現場視察，發現涉事鐵片已被除走，但路面卻留下長如成年人前臂的深坑仍未填補。根據網上實景地圖顯示，有關鐵片早在二○一一年五月或之前已出現於上址。
「路政署負責路面保養，竟然要三催四請先肯去解決問題，跟進又做一半唔做一半，好易再出意外！」立法會交通事務委員會委員鄧家彪狠批路政署敷衍塞責，未有以市民安全為依歸。
倘證部門疏忽可索償
鄧又指，現時路政署將路面維修及日常巡查等工作外判，但部門仍有監管責任，要求當局就事件檢討。
律師梁永鏗則說，倘事涉部門疏忽，傷者可提出索償，「如果證明到負責嘅部門失職，市民係有權索償，就算部門判咗工作畀私人公司做，路政署都有責任去監督，所以一樣要承擔責任！」
記者︰馮國豪、呂耀焜