政情：「元創方」宣傳片 貪曾冇份拍

醜聞纏身 頻離港「潛水」

元創方公關解釋，佢哋有邀請貪曾拍攝宣傳片，只係因為貪曾喺拍攝期間唔喺香港，所以無法成事。咁又係，貪曾嘅「貪盡海陸空、歎盡省港澳」貪腐醜聞臭名遠播，已變成過街老鼠，所以佢經常離港「潛水」，難得佢有自知之明，唔拍好過拍啦，以免破壞宿舍舊居民嘅美好回憶。

至於有份參與拍攝宣傳片嘅CY，喺片中身穿充滿懷舊色彩嘅MARK哥長大褸，親身到宿舍憶述佢細個嘅居住情況，佢形容當年宿舍單位細，食飯要喺走廊，一路食一路凍，但就好有人情味。另外，其中一個展覽廳布置成以前宿舍單位模樣，擺放酸枝長椅、衣車及印有當年紅極一時嘅前港姐狄寶娜摩亞肖像嘅年曆掛畫，營造昔日家居氣氛。