南亞幫霸錶位代客泊車

「佢哋霸晒啲錶位，想泊車就要直接畀錢同車匙佢哋代泊，仲有人喺附近指揮埋交通，普通人唔使旨意泊到啲錶位！」李先生（化名）表示，白加士街一帶公眾泊位遭代客泊車集團全天候佔用圖利多時，近年情況更愈見猖獗，每十五分鐘收費兩元的錶位被代客泊車集團「炒高」五倍，「價錢任佢開，靚車就收四十蚊一個鐘，普通車都要廿蚊，佢哋收完錢仲要唔入錶，同警察投訴過好多次都冇用！」

一個鐘廿蚊 有抄牌即通知

記者曾與投訴人於午膳時間到場視察，當日街道兩旁所有咪錶位已經泊滿，更出現雙線違泊，僅餘一條狹窄通道讓車輛通過。

長期打躉 白加士街有多名南亞裔人士長駐咪錶旁。

交匙泊位 有車主將車匙交出，南亞裔人士即登車代為泊車。

現場所見，有三名南亞裔人士「指揮交通」，並向路過駕駛者兜搭「幫襯泊車」，期間有多名車主將車匙交出，南亞裔人士收取現金後即將車輛泊入錶位，卻未有依例入錶。而記者與投訴人駕車等候泊位期間，一名操流利廣東話南亞裔人士亦有上前兜搭，「你喺邊間食呀，依家冇錶位住，你泊住喺度先，我幫你睇住，一個鐘廿蚊，有警察我即刻叫你，唔會畀人抄牌，放心啦！」

睇水收費 車主取車離開前，需向南亞裔人士支付二十元「睇水費」。	入錶慳番 現場逾十個咪錶位全告爆滿，卻未有依例入錶。	葉傲冬要求當局加強執法及增加區內泊位。

唔畀錢自泊 車可能被刑毀

當區區議員葉傲冬承認有關情況存在已久，「明明有錶位普通人都泊唔到，如果唔畀錢泊落去仲可能畀人劃花架車或拮爆條胎！」葉表示，早年已在區議會及撲滅罪行委員會要求警方加強執法，但認為當局須盡快在區內增加泊位，才有望徹底解決問題，「警方其實有特別職務隊針對打擊非法代客泊車，但淨係靠執法都唔夠，始終嗰區一日唔夠車位，呢班人一樣搵到食！」

警方14月發逾1800張告票

警方發言人證實，去年一月至今年二月共接獲近二百八十宗涉及上址的非法泊車、車輛阻塞及代客泊車投訴，發出逾一千八百一十張告票。發言人強調，法例規定，停泊於停車收費錶泊車位內的車輛須繳付相關費用，違法的定額罰款須由有關車輛的登記車主負責，任何人倘無合理情況下阻礙他人合法使用泊車錶位亦屬違法，警方將採取適當執法行動。

記者：阮佩君、黃芷君