職訓主任大讚 勤力抵得諗

在豐盛車房工作逾兩月，阿澄表現及個性深得主任讚賞，對他是次跳海救人亦感欣慰。「佢話呢啲係佢嘅本分，我好開心，會成班同事同佢食餐飯，鼓勵吓佢。」

剛獲車行升為正式員工

黃主任又稱，當初阿澄見工面試時，從言談舉止中，已察覺他是個有理想、有上進心及態度正面的青年，故才決定聘用他。阿澄最初加入車房時，曾因工作量大而感到不習慣，「佢會好攰，不時要坐低休息」。

不過，當完成兩個月的實習期後，阿澄表現卻愈來愈上手，剛剛亦與中心簽訂了正式員工合約，一星期上班六天，每天由上午九時做到下午六時，日日做到冇停手。

此外，黃又大讚阿澄工作態度好，即使師傅有時「發老脾」，但阿澄仍極有耐性，聽教聽話。加上他的自控能力改善，已遠離以往損友，「就算有以前深交嘅好友搵佢飲酒食煙，佢都唔做越軌行為，其實已經好叻仔！」黃亦不時鼓勵及提醒阿澄，免他再走回舊路；今次阿澄跳海勇救墮海婦，事後仍繼續專注工作，未有為此事自誇且表現謙虛，黃對此深感欣慰。