政情：公民講場：為政改「發」言 不可一拍兩散

十八名大專學者提出二○一七年特首普選方案，建議喺提名程序展開前引入「公民推薦」為法定程序，但遭到部分泛民話佢哋妥協，批評佢哋向中央讓步。其中前立法局主席、中大政治與行政學系名譽教授黃宏發尋日話，政治係可行嘅藝術，政治不是一拍兩散，爭取唔成功，一係放棄，二搞革命，依家學者們想一條路出嚟，但大家唔願意傾談，攞住自己嘅立場死命話「你妥協、你妥協」。其實商量出一個方案要勇氣同承擔，空喊口號就容易好多喇。