取締大廈僭建 屋署歎慢板

「用鋼筋水泥起多咗成層出嚟,我日日行過都見到,有咩可能屋宇署咁耐都仲未做到嘢?」居於西營盤的張先生不時行經山道,發現有住宅大廈平台肆意僭建,擔心樓宇結構或不勝負荷,質疑屋宇署執法不力,罔顧樓宇安全。

屋宇署發言人證實,涉事大廈平台僭建物早已記錄在案,曾向業主發出警告通知,警告需待僭建物清拆後才會在土地註冊處紀錄上注銷。發言人補充,已就部分僭建物發出清拆令,其他業主亦將按序收到清拆令。

「又話有晒紀錄,咁有咩可能連清拆令都要排住隊慢慢出?屋宇署做嘢永遠都係慢幾拍,畀着我係業主,唔拖番幾年先奇啦!」張先生要求屋宇署檢討流程,加快執法程序,以確保僭建物早日清拆。

第一手消息請下載on.cc東網iPhone/iPad/Android/Windows Phone Apps