政情：收料站：陳德霖獲超長任期 佔中帶挈？

富經驗可鎮大局

據聞呢一切唔單止靠佢自己嘅實力，亦因為有「貴人」相助，而呢個貴人就係「佔領中環」行動（佔中）發起人之一嘅戴耀廷喇。

戴耀廷又同陳德霖續任有咩關係呢？消息人士透露，其實陳德霖係佔中嘅得益者，因為北京暫時估計唔到佔中幾時開始，擔心萬一行動真係進行佔中嘅話，香港國際金融中心嘅地位隨時受到威脅，所以要一個具經驗嘅人鎮住大局。

再者，美國聯儲局講咗準備退市計劃咁耐，似乎行動一拖再拖，又或者會不動聲色咁殺到香港，加上香港未來要面對政改及關乎本港民主進程嘅二○一七年特首選舉，為免新接任人一時間應付不來，所以不變應萬變就係最好嘅解決方法。