中環出更：on.cc東網無遠弗屆陳雲生去到立陶宛都睇
東方報業集團旗艦網站「on.cc東網」向來深受政商界人士歡迎，無論遠在北京人大政協兩會會議，甚至去到俄羅斯及波羅的海，都有議員或市民捧場，確係無遠弗屆。好似屯門區議員陳雲生（生哥）同龍瑞卿兩夫婦，近日就跟旅行團去咗俄羅斯及波羅的海三國旅行，日前仲喺社交網站留言，話身在立陶宛酒店睇「on.cc東網」一樣咁清楚，名副其實係「上東網，知天下」！
生哥回應卓妮查詢時透露，佢參加嘅俄羅斯十天旅遊團當中，有唔少港人團友都係日日睇「on.cc東網」，話無論身處立陶宛、拉脫維亞或愛沙尼亞，都清楚了解到香港發生咩事，比起以前打長途電話返香港了解情況，真係慳番好多電話費，所以依家睇少日東網都唔舒服喎！
講番佢今次旅行，行程都幾緊湊，過去幾日已去咗多地方，而且食嘅團餐都唔差，好似前日嘅午餐就係三文魚扒配香梨雪糕，賣相相當吸引，叫做食好住好，但天氣就比較寒冷嘞。
卓妮