香港電視網絡有限公司申請免費電視服務牌照失敗，早前改為收購中移動香港子公司嘅流動電視服務照牌，諗住可以「借殼翻生」，繼續發佢嘅電視夢。點知通訊事務管理局近日又發信警告港視，指「借殼翻生」做法可能違法，令港視被迫延遲今年七一開台嘅大計，並暫停所有新節目嘅製作工作。仲記得議員鍾樹根喺去年十一月一個立法會委員會上，公開寸爆王維基根本唔夠財力搞免費電視，預言王「肯定收皮啦」！今勻樹根仲靈過睇相佬，可以諗吓轉行喎！
