政情：公民講場：「追到天涯海角」雙貪等落鑊

「貪曾」前特首曾蔭權爵士同「貪湯」前廉政專員湯顯明嘅連串貪腐醜聞，除咗敗壞香港廉潔風氣外，同時摧毀廉署多年來嘅金漆招牌。繼廉署執行處「一哥」黃世照日前向本報暗示「貪曾案」仍在追查後，廉政專員白韞六尋日出席廉署周年酒會時亦都話，有關貪曾同貪湯嘅案件調查需要有適當時間進行，仲呼籲公眾耐心等待添，意味兩人「落鑊」係遲早嘅事。正如貪曾當年講過嘅金句「追到天涯海角都要逮捕兇徒歸案」，相信廉署無論追到天涯海角，貪曾、貪湯都咪使旨意甩身喇。