未開局先請傳訊經理
政府擬成立嘅創新及科技局，而創新科技署同政府資訊辦公室將撥歸新政策局管轄。但政府喺施政報告公布前夕，已率先刊登廣告聘請創新科技署機構傳訊經理，該份職位月薪介乎三萬八千元至四萬四千元，要求有最少六年機構傳訊、傳媒管理等經驗，合約為期兩年，主要職責係提高公眾對創新科技發展認識，確保各持份者有效充分參與同溝通等。
其實創新科技署請人本來未必咁多人注意，之不過依家撞啱政府重提創新及科技局，政治敏感性即時升溫，但當局仍然無有怕做請人嘅前期工夫。
莫非，當局研判過無論有無人出招阻撓，開局都只不過係時間問題？