政情：卿姐愛睇外國血腥新聞

卿姐尋日接受電台節目訪問時，被問到覺唔覺得香港嘅政治環境複雜咗，佢承認係複雜咗，但覺得香港已經好好彩，皆因大家都算和平理性。講到呢度卿姐就無啦啦自爆，話依家最鍾意睇外國嘅血腥新聞，有人話香港有啲人好激進，真係差好遠囉。雖然卿姐講到興高采烈，但佢最後都話唔想香港好似外國咁，希望港人要克制喎。

自言唔使演練佔中

當日元旦遊行結束後，有集會人士喺中環舉行佔領中環演練。卿姐就話自己唔使演練喇，因為佢早喺九十年代抗爭運動中已經瞓過街、被人抬過，睇番以前啲影片就得喇。佢仲話，就算有普選都會佔中，就係到時和平開香檳慶祝囉。