政情：公民講場：建制勢力未凝聚 「兩塊皮黐唔埋」

近年有建制派黨派經常話唔係事事都要撐政府，全國港澳研究會副會長、中央政策組前首席顧問劉兆佳尋日就話，中央以往認為泛民主派衝擊政府管治，但近年開始關注建制派分裂嘅影響，而九七年至今，建制勢力未能凝聚民意支持，特區同建制變成兩股勢力，而非政治命運共同體，關係就好似「是兩塊皮，不是黐埋一齊」，尤以走直選路線的政團。佳叔咁講，民建聯、工聯會、自由黨都中晒，特別係自由黨更加係愈走愈遠，莫講話兩塊皮唔係黐埋一齊，就算用萬能膠都未必黐得埋啦！