政情：今日你上鏡：方舜文情迷智利白蘭地

南美洲國家智利，同香港相隔半個地球咁遠，去一趟真係長途跋涉，但香港貿易發展局副總裁方舜文（Margaret）在任短短四年間，已先後多次組團到智利尋找商機。Margaret日前應邀出席智利駐港領事館舉辦嘅產品推介晚宴，佢大讚智利嘅海產同農產品質素唔錯，尤其係一種名為Pisco嘅白蘭地飲品，令佢一試難忘，好值得推介咁話。網上資料顯示，Pisco歷史悠久，智利製造呢種酒有嚴格法律規定，必須以Moscatel麝香葡萄為原料，經過發酵蒸餾同過濾等程序，酒質圓潤，散放出如香水般迷人嘅香味，難怪會迷到Margaret喇！