政情：項明生離Sony 新工賣關子

稱係時候轉環境

喺Sony工作十五年嘅James話，係時候轉變環境。佢笑言已將半生青春奉獻畀Sony，事關當年佢加入公司時，僅得廿九歲，眨眼已四十四歲。James近年投入較多時間幫報章雜誌寫專欄，又出版多本旅遊書，最近台灣同內地出版社都爭住搵佢出書，多多時間都唔夠用。今次嘅新崗位，睇怕一定可以同佢多姿多采嘅背景相配合，收相得益彰之效。

佢嘅新舉動喺網上引起熱烈反應，大家都想問佢嘅新動向，佢全部保持神秘，但眾人嘅祝福，佢就照單全收。