黃小姐日前於大埔廣福道巴士站等候九巴75X線前往九龍城，苦候約三十五分鐘才能登車，「星期六嘅六點幾明明就係繁忙時間，我畀足你三個字一班車，都走咗兩班啦，九巴嘅脫班問題到底要到幾時先解決到？」黃不滿九巴未有履行每隔九至十五分鐘開出一班的承諾，令乘客大失預算。
九巴發言人解釋，根據當日行車紀錄，受九龍城道及聯合道一帶交通擠塞影響，巴士未能按時返回富善總站後再開出，令班次延誤。當值站長已就延誤作出車務調動，安排繼後班次提早開出以疏導乘客。九巴發言人亦承諾，會密切留意該線，在資源許可下因應需要靈活調配班次。
「實際等嘅時間比站牌寫嘅多咗成倍有多，其實九巴知唔知咩叫服務承諾，定係次次冇車就推搪話係路面狀況？」黃小姐強烈要求九巴檢討班次調配，免令乘客信心盡失。