貨車違泊危害駕駛安全
陳先生剛入住九龍城啟晴邨，習慣每天駕「搵食車」開工，途經啟東道時不時發現有大型貨車違泊於影線內。由於影線旁設行人過路處，擔心違泊車輛會令駕駛人士無法查看路面情況，「嗰度冇交通燈，啲貨車又大架，遮住晒條馬路，試過有人突然喺車罅中間走出嚟，差啲被撞親！」
日間有改善 夜晚依舊
警方發言人表示，一直關注該處交通情況，並不時派員和交通督導員巡查及採取相應票控行動，違泊情況亦因應執法行動有所改善。
「我喺朝早都見到有人執法，情況係有改善，但夜晚都係有好多貨車違泊！」陳先生希望警方能於晚間亦派員到場執法，徹底解決問題，又建議警方將禁止違泊的告示置於影線，以收阻嚇之效。