政情：公民講場：自願定強制好？高胡醫保拗數

政府最快喺年底公布自願醫療保險嘅具體方案諮詢公眾，本身係會計師、做咗醫院管理局主席接近十年嘅胡定旭，認為自願醫保計劃能否成功，取決於年輕人嘅參與率，如果只得老人家購買就好難持續，認為社會應重新考慮強制性購買醫保。不過，食物及衞生局局長高永文就重申，根據過往諮詢所得嘅意見，任何強制性嘅保險或供款計劃，都好難得到大多數市民支持，重申政府稍後公布嘅係自願性計劃，唔會強制市民買保險。其實上屆政府已提出過強制醫保建議，但不獲市民歡迎，如今舊建議重提，唔通會有奇迹？