政情：公民講場：馬逢國梁家騮投票咪再扭擰

立法會下周三辯論引用《立法會（權力及特權）條例》（特權法），要求政府交出審批免費電視牌照時嘅相關文件。不過，唔少議員對投票取態仍然扭扭擰擰，仲未敢做決定，當中表表者更首推體育、演藝及文化出版界馬逢國同醫學界梁家騮。呢次電視風波係馬逢國業界嘅議題，但佢至今仲未決定，佢話交由法庭判決，可能好過由立法會做決定喎。至於一直「神龍見首不見尾」嘅梁家騮，又話要先聽吓人哋點講先。其實行政會議保密制行之有效，不能隨便引用特權法去破壞，議員們想反對動議，大可以理直氣壯啦，做議員唔係要獨立思考咩？使乜驚呀？