政情：大劉反常 打的去開飯

與呂麗君及仔女分開出現

尋日中午，兩名大劉嘅保鏢喺富豪飯堂外等候，大約十二點五十分，呂麗君同一對仔女及一名傭工先乘坐私家車現身，但就未見大劉同行。三分鐘後，戴住眼鏡、着住長褸嘅大劉與一名保鏢罕有地坐的士到埗，坐喺後座嘅大劉落車，坐前座嘅保鏢緊隨其後。

兩小時後，呂麗君同仔女先行離開富豪飯堂並登上私人座駕，大劉弟弟劉鑾鴻同妹妹劉玉珍一左一右攙扶母親隨後步出，殿後嘅大劉就趕上前安頓母親登車。卓妮問大劉點解改搭的士前來？佢木無表情冇回應，最後與母親同坐一私家車離開。