政情：公民講場：外訪當遊埠 曾湯蛇鼠一窩

正所謂「上樑不正下樑歪」，「貪曾」前特首曾蔭權爵士一向貪盡海陸空，外訪當遊埠，所以佢前下屬「貪湯」前廉政專員湯顯明自然有樣學樣。貪湯尋日出席立法會政府帳目委員會公開聆訊時，自爆○八年去北京同廣西外訪前，貪曾曾要求佢縮短行程，處理廉政公署嘅行動，但佢就回覆指「情況受控」，最後只縮短行程一日，照樣去參觀北京嘅奧運工程。北京奧運工程根本同廉署工作無關，貪湯擺明就係去遊埠兼先睹為快，佢當上司貪曾無到，貪曾明知又闊佬懶理無及時制止，兩個真係狼狽為奸，蛇鼠一窩！