海洋公園門票竟甩色
「張飛明明十一月尾先到期，我一路都擺喺銀包度冇郁過，有乜理由無端端甩咗色就要我早啲入場？」張先生今年六月購買海洋公園優惠門票，有效使用期至十一月下旬止，惟近日發現門票上的油墨逐漸脫色，遂向職員查詢，對方竟着其盡快使用，更稱倘門票完全褪色將無法入場，令張大表不滿，「我又冇亂咁擺張飛，甩色係佢哋嘅責任，如果因為咁唔畀入場，就真係好唔公道！」
海洋公園發言人表示，現有門票以熱感紙印刷，只要保存妥善，門票背面的印刷資料最少可保存一年，又指開園以來僅接獲一宗同類投訴。發言人又說，倘因門票背面資料不全而導致入閘機未能辨別，職員會按門票背面資料，包括「條碼編號」或「門票序號」為客人重印門票。
為免無法入場，張先生決定盡快使用門票，但仍要求海洋公園盡快研究改善門票印刷問題，「其實都唔係第一次聽到有咁嘅問題，市民買飛都係想開開心心入嚟玩，依家因為張飛搞到咁掃興，真係好無謂！」