政情：公民講場：「明」寸貪曾：做唔好特首

香港大學尋日決定任命英國學者馬斐森做校長，雖然佢風塵僕僕會見師生同校友代表，但好多人都唔多睇好佢。其中有份出席嘅港大前副校長程介明就話，校長要有學術視野，睇到香港教育未來發展，質疑馬斐森嘅視野只係局限於行政人員，「冇願景夢想」，唔足以領導港大發展，同做校長差一大截。佢仲話，「以前某位高官」聲稱要做好呢份工，但係大學校長唔係做好呢份工就可以，明顯就係寸緊「貪曾」前特首曾蔭權爵士○七年競選連任口號「做好呢份工」。如果貪曾當年無非分之想做特首，而係安安定定做個公務員，香港就唔會畀佢搞到雞毛鴨血咁啦！