雖然佢獲政府批准離職後再就業，但勞福局局長張建宗（小肥張）尋日出席活動時就爆料，除咗自稱多次挽留Zandra外，仲對Zandra返幼兒園份新工有啲酸溜溜，莫非小肥張都有被騙嘅感覺？
小肥張尋日接受電台訪問時，被問到Zandra辭職一事，佢自爆話用咗好多唔同嘅方法去挽留呢個得力助手，包括提議容許Zandra彈性返工，甚至可以喺屋企工作啦，但結果都係徒勞無功，Zandra最後都係選擇離佢而去，感到好可惜，搞到佢依家除咗物色副局長人選外，仲要努力搵番個政助。
指「咁咪一舉兩得囉」
對於Zandra離開政府一個月就返新工，小肥張就有啲酸溜溜話：「咁咪一舉兩得囉！」即係可以返工又可以湊仔女。