「貪曾」前特首曾蔭權爵士恨見教宗，終於搞到涉嫌干預司法。咁離譜都得，但有議員更離譜，佢就係民建聯嘅葉國謙嘞，佢尋日被問及立法會應否引用《立法會（權力及特權）條例》調查事件時，佢話不能單憑傳言，就決定引用俗稱「尚方寶劍」嘅《特權法》，又話官員已明確拒絕繞過法律程序，不認為事件有問題。明明係醜聞，喺葉國謙口中就變成係「傳聞」。乜議員唔係負責監察政府嘅咩？點解竟然有議員為過氣嘅特首護短咁犯賤？
