探射燈：防蚊網 無火蚊香免招祝融
蚊叮痕癢，不但令人難以入眠，更可能傳播各種病菌。防蟲專家表示，除了殺蟲劑滅蚊外，亦要注意環境衞生，從根源杜絕蚊子，或可裝置防蚊網，以防止蚊子進入室內。
香港蟲害控制從業員協會會長梁廣源表示，防治蚊子可分為環境及化學防治兩方面。若有大量蚊子活躍，他建議使用化學藥物來殺蚊，但平日則建議清除積水防止蚊子孳生。他說：「喺窗邊裝防蚊網，令蚊入唔到屋其實係好有效嘅防蟲方法，不過好多人嫌蚊網唔美觀，所以唔肯用，其實床邊都可以放蚊帳，令蚊飛唔到入嚟。」
另外，若有用家擔心蚊香易燃，他建議可使用無火蚊香。他解釋：「蚊香分三種，一種係用火點嘅傳統蚊香，一種係電蚊香，仲有一種係唔使用火嘅罐頭驅蚊劑，只要打開罐頭，加水入去，就會產生化學作用，會釋出煙霧，一樣可以驅蚊。」