美國新任駐港總領事夏千福上任兩個月，已經四出向多個政黨政團領袖「收風」，又落區食雞批、歎茶，連港式傳統豉油都要試，大打親民牌，搞到外交部駐港特派員宋哲都睇唔過眼要公開警告一番。夏千福尋日發表公開演講，就自認呢份工好似做管家（Steward）咁，又話來港上任唔係為咗「引火」或搞搞震o架！其實夏千福講乜都無用，事關佢已經表明來意，做得美國駐港「管家」梗係收柯打做嘢啦，唔怪得上任兩個月已經乜都要管、乜都要理，佢做呢個管家真係稱職喇！
