僭建玻璃屋 屋署當隱形

市區違規僭建物觸目皆是,屋宇署被斥取締不力!在灣仔區工作的吳小姐不時途經皇后大道東,發現有大廈平台疑僭建玻璃屋,「平台中間位突然整咗間玻璃屋,其實都好明顯,屋宇署如果平時真係有派職員巡查,冇理由睇唔到!」吳質疑當局平時疏於巡察,令僭建歪風不但未有被遏止,更有惡化迹象。

屋宇署發言人證實,上址三樓平台若干搭建物並未有根據新修訂《建築物條例》規定,事先獲屋宇署批准及同意而搭建,故屬僭建物,並屬於須優先取締類別。該署會按序向有關業主發出法定命令要求清拆,並已先發信敦促業主盡早自行安排清拆工程。

「由投訴到依家都成半年,間玻璃屋到依家都仲喺度,屋宇署到底有冇跟進?」吳小姐認為,屋宇署發出清拆令後,必須密切跟進僭建物清拆進度,否則難收阻嚇作用,令法定清拆令形同虛設。

第一手消息請下載on.cc東方互動iPhone/iPad/Android/Windows Phone Apps