中環出更：鄧家彪助理：來世要做澳門人

考察當地社福政策

為咗參考各地嘅社福政策，阿Bill上月帶埋一眾議員助理去澳門取經。佢哋先後訪問澳門房屋局及勞工暨就業局等政府部門，了解當地資助房屋同社會保障制度。

阿Bill話，澳門一早已規劃安老等政策，所以當地唔單止有養老金，仲有殘疾金、失業津貼、結婚津貼、生仔津貼、出生津貼，以及喪葬津貼等，嚟緊仲計劃搞自願性公積金。

其中養老金方面，因為政府有資助，所以打工仔同老闆只要每月共繳付約四十五元，供滿三十年，打工仔到六十五歲後，就可以每月有三千元使，都咪話唔爽。所以阿Bill話，雖然香港情況較澳門複雜，但如果依家唔積極面對人口老化問題，以後就難處理喇。