甩脫扶手隨車滾 九巴保養得把口
「上車坐低就聽到啲怪聲，原來成條扶手甩咗、跌喺地下碌嚟碌去！」陳小姐早前於城隧轉車站乘搭九巴40X線前往馬鞍山，發現上層有一條已斷開、零件四散的扶手於車廂內滾動，險令乘客跌倒，不滿九巴未有做好維修工作，罔顧乘客安全，「乘客冇扶手用不特止，陣間跣親就大件事！」
九巴發言人強調，該公司一向重視車隊維修及保養，接獲轉介後已即時維修有關車輛設施，並要求前線同事一旦發現有車廂設施損壞，應盡快通知維修部門，以便跟進。
陳小姐直斥九巴聲稱重視巴士保養僅屬「得把口」，與事實不符，要求九巴就事件作檢討，「如果真係咁重視，就唔會成碌柱甩出嚟都唔知啦，加價佢哋就叻，啲設施就殘殘舊舊！」